Kulturminner ein ressurs i bygda?
Målet med møte om Kulturminneplan for Bremanger neste torsdag den 31.oktober er at alle skal bli meir medvetne på kva kulturskattar som er i nærmiljøet. Og at dei vert løfta fram og levandegjort for etterkomarar, og for besøkande. Kombinasjonen av natur- og kulturopplevingar blir stadig meir aktuelt.
Kommunen håpar at temaet engasjerer, og at alle ser verdien av å ha ein kulturminneplan.
Tiltaka som er skissert i Handlingsdelen av planen er forslag. Det kan vere greit å sette seg nokre hårete mål,- til slutt er det våre nyvalde politikarar som må prioritere. Kva meiner de?
Reidun Øvrebotten og kultursjef Grete Berntzen leiar møte i grendahuset der det også vert lagt opp til diskusjon i grupper. Tema for diskusjonen er:
- Kva meiner du er dei viktigaste kulturminna i di bygd?
- Har du idear om korleis historia til desse kulturminna kan visast fram, formidlast?
- Kva tiltak meiner du er viktig for kommunen som eigar av kulturminner? Gje eksempel
- Om du skal presentere Bremanger kommune si kulturhistorie til besøkande, kva kulturminne vil du trekke fram og kvifor?
- Har du idear om nye reiselivstilbod basert på natur- og kulturopplevingar i di bygd, og i kommunen?
- Har du konkrete innspel til utkastet til Kulturminneplan (tillegg, endringar)?
- Kunne du tenke deg å bidra med registrering eller formidling av kulturminner i di bygd?
- Andre innspel?
KULTURMINNEPLAN BREMANGER KOMMUNE